Brain§torming 101
مش عارف
جاي ع بالي اشبعر بأي اشي..اي اشي ..فعلياً أي اشي
مش الموضوع موضوع انو عندي كتير آراء مهمة ورح تغير مجرى الامور في الشارع العربي..ولا موضوع اصلاح ولا ولا ولا..الموضوع موضوع شعبرة
يعني حتى هو كشعور صعب أوصفو..حتى انا مش عارف شو بدي
تتزامن في الفترة الحالية احداث كثيرة متداخلة..من تحسن اوضاع سيدي الصحية الى قرب سفر الوالد الى قرب قرب سفر الوالدة مع سعد القطروز الى بداية فصل جديد بالجامعة..الى سخط وغضب من التخت العتيد بسبب سقوط احدى الركائز الاربعة الحامل لوزنه ووزني..الى امتعاض نسبي من الاوضاع الجوية اللي بالنسبة الي مربكة مشقلبة..بالاجواء اللي زي هيك بتصيبني حالة غريبة من التجمد الشديد المصحوب بتعرق مبالغ فيه..الموضوع موضع قرف بحت
صارت تيجي الغربة ع بالي هاليومين..صرت احن للغربة..مش راكبة انا عارف..بس من طول عمري كان نفسي اتغرب بمكان ما بعرف فيه حدا..وجهة الانظار والحلوق كانت دائما وابدا انجلترا..بحكم اني بحب اللغة الانجليزية وبمشي حالي فيها..ولما كنت زمان احضر مباريات بالدوري الانجليزي كان يخف عقلي قديش يكون الملعب نضيف وكيف لما تصير فرصة ولا حركة حلوة الكل بيصير يزقف بطريقة قمة في قلة الزوق
الفكرة اني حاب اشوف شو رح اسوي وشو رح يكون وضعي لما اكون لحالي بدون اي تدخل او مساعدة..الفكرة الاهم اني بني ادم شغل هدوء وخمول واجواء غريبة من الانعزال الفوضوي والخصوصية..الغربة هي الحل الامثل لاكتشاف الذات
هيه والله هيه والله
المهم
بكرة امتحان السواقة العملي..المفروض يصير التالي
(هذا والله اعلم)
في 4 دنانير و75 قرش بدهم يندفعو قبل الامتحان
ان نجحت بدي بعد الامتحان اروح ادفع 30 دينار..ان لا سمح الله رسبت بدي اروح ادفع 10 عشان اخد موعد اخر
كل الامل اني ادفع 30 دينار
غريبة الناس
:JZ hat:
:JZ hat:
بالسلامه للمسافرين
والله يوفقك بالإمتحان وتدفع الثلاثين نيره و تصير محسوب شوفير علينا
مش تشتري سياره
ترى صارت النمره ع النمره بهالبلد
في بطاطا
مبارك البلوق
ومش حابه أناقش شعبراتك
عشان بتبع مبدأ إبعد عن الهم وأعطيه شوية مصاري عشان كمان هوه يحل عنك
:D
ما أنغشني
امو لعمر
الحمدلله ما دفعت غير 10 دنانير عشان موعد جديد
بوطيطة
احلا وسحلا..بنوزع بطيخ صحرواي ومحلول نغاشة بتراكيز عالية ازا مقطوعة
he heeeeeeeeeeeee3
اللهم لا شماته
:ch:
سؤال بالله..بكم درس السواقة هالايام؟
انا اتدربت ايام ما كان ب 3 و75 قرش
:retard:
كمان سؤال...الحجة مسافرة مع مين
:ملخوم:
مين سعد القطروز والا سلوى القطريب والا ايش في
:ملخوم:
ملاحظة: مبسوط عا مبارايات انجلترا
انت ناسي انه اغلب الهولوغانزم يعني مثيري الشغب بالملاعب هم انكليز
هيع هيييييييييع
درس السواقة كنت اخدو ب5 ونص هسه بستة نيرات
:la elah ella allah:
الحجة سافرت مع سعد القطروز
سعد القطروز هو اخوي اللي اجا معي ع ملتقى المحاجيب 8-8-8
سبب التسمية انو اصغر مني بابو 4 سنين
ملحوظة : بعرف انهم داخليا همج فيما يتعلق بالكرة..لكن لقطة المياراة والملعب المحفورة ببالي لا يظهر فيها ذلك
over'n'out