سوء النية




مش عارف ليش..بس كمية هائلة من البني ادمين اللي الواحد بيشوفهم وبيعرفهم عندهم قاعدة تقديم سوء النية على حسن النية هي الماشية

يمكن انو كتير انقرصو بحياتهم وبطل في اشي اسمو ثقة أو طيبة او براءة

المشكلة انو حتى لو انقرصو او انو شايفين كتير بحياتهم..برضو الواحد كتير بيتعرض لمواقف..من برا لبرا..انو بيشوف حالة من حالات تقديم سوء النية وبيتنكس بالاخر لانو بيكون عند الطرف الاخر عذر وسبب مقنع مثلا..يعني بتلاقيه بس يعرف السبب ويبطل العجب بيقلب حشرة..كيف بعد شغلات زي هيك الواحد ما بيتعلم وبيقول انو والله عشان ما احرج حالي كمان مرة مش رح اظن ظن السوء!؟

بالنسبة الي بقدرش اتقبلها..بحب اكون "مش عارف" او مش متاكد احسن ما اجزم بالاشي العاطل واطلع بالاخر غلطان

ما علينا..تذكرت ورقة كان ابوي معلقها ع خرانتو اللي بالمدرسة
كان مكتوب عليها ..قاع الاشياء المقلوبة قمة

خليها على الله


7 Response to سوء النية

  1. Anonymous says:

    واااو
    حبيتها
    قاع الاشياء المقلوبة قمة
    جد جد حبيتها
    :e:

    طولي بالك
    :*oh:

    بس شو بالنسبة لخزانة ابوك بالمدرسة
    :ملخوم:

    نمرودة

  2. Rain says:

    أنا بصراحة بشوف انّك تضل شاكك بالشخص حتى تثبت برائته هو الأحسن
    مو عشان اشي بس أحسن من انك تنصدم بالبني ادم و تحس حالك أهبل

    بس المشكلة إنّي حاولت أكون قال يعني أخت رجال و حذرة بس دايما بلاقي حالي بحسن الظن بالناس
    و عالأغلب بيخيبوني

    يمكن بحتاج دعك و خبرة حتى أتعوّد آخد حذري

    جد انقلبت المفاهيم!ا

  3. 6abaZa says:

    منا كنت بدرس توجيهي بنفس المدرسة اللي بيدرس فيها ابوي..وكنت اعرج عليه بشكل متكرر..و على خزانتو اللي بغرفة المدرسين كنت اشوف هالجملة

  4. 6abaZa says:

    بقبوقة
    كونك بنت .. او كون الزمن هو الزمن..فعلا ممكن الواحد يعني يعتبر هالمبدأ صح..بس برضو ممكن الواحد يضل عالحياد
    لا بنشاكلكو ولا بتشاكلونا

  5. Em Ommar says:

    حطيت ايدك عالجرح
    لمى الواحد بنقرص بتعلم
    وإزا ما تعلم
    بكون
    شو بكون
    ؟؟؟

    انا هيك صرت,, ولا بحط ثقتي ف بني ادم
    ودايمن بفترض سوء النيه ت ينثبت العكس
    وبتهيئلي ,, بتطول هالحاله معي
    وقليل جدن الناس اللي ممكن اثق فيهم
    الحياه مدرسه
    وانا بعدني ف الحضانه

  6. Mohammad says:

    وحابب اضيف كمان حديث بما معناه انو اعطي لاخيك سبعين عذرا
    :سمايل حط بوست عكس التيار:

    مش عارف بس انا بعمل العكس
    بضل ماخد حسن النية لانقرص تلات اربع مرات
    :oh*:

    شو هالبلوج الحلو
    زمان عنك ابو الدحاديح

    سويتشو سابقا

  7. 6abaZa says:

    ام عمر

    متهيئلي كلنا بعدنا بالحضانة
    كل يوم الواحد بيكتشف اشي بيحسسو انو لسه بره اللعبة

    سويتشر..مفيتيح
    على ما ظنيت اني زيك..وبالعلامة اليوم انقرصت قرصة..بس ما حقدت كتير عللي قرصني..وبكرة بتلاقيني قاعد بضحك معو
    غريبة الناس يا اخي

    نورت البلوغ عزيزي المستمع

    :hat: