First Ink









السلام عليكم

كوني ما بعرف اشي عن شغلة المدونات وخربطيططاطها..مش عارف كيف ابلش

المهم انو بحب اي اشي الو علاقة بالتأريخ..بكل أشكالو

يعني ذكرى مراهقية ع سور مدرسة..ورقة فاين من قهوة او مطعم تجمعت فيه مع شباب وكتبنا شغلات ع هالورقة..اي اشي من هالقبيل بيمثل شغلات كبيرة عندي

شرطك ما بتسقط بالتقادم..كل ما عتقت كل ما كان احلى

من هون حبيت انو يكون عندي مدونة..زي تأريخ للمشاعر والافكار اللي كنت افكر فيها في وقت معين

طبعا في منها فايدة تانية..هسه من فترة سنة وشوي تقريبا تعرفت ع مجموعة ناس حبيتهم وبحب اسمع ارائهم بمختلف الشغلات..هالناس عندها مدونات..فانو بكون زدت طرق التواصل بكمان طريقة

بس..وعند عمك طحننا

هسه لازم اقوم انام لانو بكرة الصبح برغدان صراع البقاء..سيادة الاقوى..تو اطلع في الباص اور نت تو اطلع في الباص

وبالتالي الى اللقاء

حتى اللحظة فش سمايلات لاني بصراحة ضايع والاتش تي ام ال بعرفش اسوق عليه