Fracture
Warning:...Could get disgusting
''Fracture !''
بالزبط هيك وبصوت عالي حكاها الدكتور اللي عمللي صورة الاشعة
حكاها للدكتور اللي بعتني ع التصوير
مش عارف ليش ما حكالو: عندو كسر..انو بالعربي..بيجوز انو طب واضرب واطرح فانو متعودين عالعنجليزي بتعاملاتهم..بس الاحمتال التاني انو بدوش اياني اعرف..ع اساس انو مش ليل نهار بالهندسة بنحكي عالكسر والضعج وهالشغلات...ترا الدكاترة الهم بالعادة هيك ع اساس انو يحكو مع بعض تشفير...لما كان سيدي بالمستشفى وييجي الدكاترة بجولتهم ويربكبولو هادا الجلوكوز..بيصيرو يحكو بينهم بالانجليزي عشان ما حدا من اهل المريض او المريض نفسو يفهم
المهم انا بعدت الموضوع..الموضوع الاساسي هو الكسر اللي حدث امبارح بمشط رجلي اليسرى...واللي صار معي اليوم لما رحت اجبرها
صارلي تقريبا اسبوعين مشترك بصالة حديد..بس اخلص تمارين بروح باخد شاور بارد بنفس الصالة..طبعا هاي هي فترتي المفضلة من اليوم كلو كون الشاور مش طبيعي بالليل والبراد شو بيخلي الواحد ينعنش
المهم تحممت نعنشت وطلعت لقيت الجو بالشارع من الاخر فجد انشكحت لدرجة...لدرجة اني ما اتطلعت قدامي وانا بمشي عشان اشوف انو الرصيف اللي انا ماشي عليه شوي عالي..عالي لدرجة اني لما نزلت منو للشارع رجلي فكحت ولفت وما لقيت حالي غير وانا عالاربعة..طبعا كنت يومها لاعب تمارين ايدين وصدر وشاد ع حالي حبتين..من التعب ايدي خانوني وكمان هم فكحو وطبيت ع بوزي
طبعا خف عقلي من شغلة يا الله قديش كان مزاجي عدل..وقديش هسه نفسي احرق حالي
المهم الوالد وصلني عالــ"مستشفى" اللي بلاش ادعي عليها هسه...شافني الدكتور ولفلي اياها بشوية شاش وقلي بتراجع طبيب العظام بكرة..اللي هو اليوم....اللي هو هسه بدو يجي مربط الفرس
مربط الفرس بالموضوع انو قديش خف عقلي لما رحت اليوم اجبرها
فت عالمستشفى..فش هالازمة..بس في ريحة دخان !!..مش مشكلة..تقريبا ربع ساعة فتت ع دكتور العظام...شو اسمك يا ابني قديش عمرك وليش وقعت وليش صار معك هيك ومن هالسوالف..بعدين قللي فوت استنى بالغرفة اللي جوا...كأنو حكالي فوت شوف الفضايح اللي جوا
فتت جوه وقعدت عالتخت..جمبي في زي كومادينه..للي ما بيعرف الكومادينه فهي هاي الخزانة الصغيرة اللي بتكون ع جوانب التخت بغرفة النوم....كومادينه مفروش عليها جرايد وسخة..عالجرايد الوسخة مفروش بقايا زيت زتون..وهسهس...وفي كومة كبيرة خبز يابس..وابو طقم كامل فناجين قهوة وسخة..مع صحونها..وفي صحن فول ضايل فيه اكمن لقمة ما حدا استنضف ياكلهم..وجود الصحن بيفسر وجود بقع الزيت عالجريدة الوسخة...وفي كمان قزازة عصير ابو الـ35 ع منجا مخلصة والورقة والغطاية تبعتها ملفوفين ومدحوشين جوا القزازة نفسها...الخ الخ
اجت الـ"ممرضة" فتحت الدرج تاع الكومادينه..طالت منو كيس قهوة وطالت بكرج حجم عائلي وراحت...رجعت ومعها زي صحن ستينلس كبير فيه مية سخنة عشان التجبير..بقاع الصحن في زي اشي اخضر..زي اللي بيطلع عمواسير المية احيانا
فانا قاعد بستنى بالدكتور يخلص سواليفو مع اللي بره..بتطلع عليه ولا هو شغال تقوير بمناخيرو
المهم..دخل وجبرلي اياها وقللي بدها تقعد شهر بعدين بتيجي بتراجعني وبنفكها وهيك...الحلو هون انو التجبير مش زي تبع زمان هيك بتحسها عجينة ومليَّطة..هادا بيجي زي شاش عليه مادة بتنحط بالمية وبس تنشف بتصير يابسة...العاطل فيها انها مش من النوع اللي بينكتب عليه..يعني مش رح اقدر اخلي البني ادمين يوقعولي عليها..غير انو لونها تقريبا كحلي..يعني بالمرة مش رح اعرف اكتب عليها
وانا طالع بقوللو مش رح تعطيني عكاز ولا اشي اللي اعرف امشي عليها..قال روح بلا دلع يا زلمة..امشي عليها عادي بس ما تشدش..الممتع بالموضوع انو بيتنا طابق رابع..وفش مصعد
ضل شغلتين احكي عليهم..الصورة اللي بالبوست لقيتها عالنت يعني مش الصورة تاعتي..الحلو انو الكسر عندي بنفس المنطقة بس انو بالرجل اليسار
الاشي التاني انو هالشغلة اجت بوقت بالمرة ملوش داعي...يعني اليوم وبكرة وبعدو بيجوز عندي فيهم ابو 5 مشاوير من النوع المهم جدا دراسيا
الحمدلله على كل حال
Over'n'Out
dudeeeeeeeeee!!!!
alf el 7mdillah 3al salameh ..
mshafa 3n gareeb nshallah :hug:
o zai ma goltlak ..
deer balak mn el 7akkah .. :ch: :sofera:
:sc:
سلاااااااااامتك عمو سمدوح
اخر " الكسور" يارب
شفت,, هاااااااي هيه حسن التأمين الطبي
مش عندك تأمين تابع للجامعه,, وإلا شكلك بجامعه حكوميه كمان
اي الواحد لو بقعد ل شي خمس سنين يحكي عن المقارانات بين الخصوصي والحكومي,, مابنخلص كمان
حبيبي ابو الايك
لا تخاف انشالله رح اركبلها مروحة اكستيرنال
شكرا عالنصيحة صديق
امو لعمر
الله يسلمك ويحفظك يا رب
انا بالهاشمية يعني حكومة
مهو انا لما رحت عالمحاسب ودفعت بعد التجبير بقوللو انو انا طالب جامعة فشو بالنسبة للتأمين وهيك
قلي هسه انتا بتدفع اللي عليك وبعطيك فيهم فواتير وبتروح عتأمين الجامعة وبتحكيلهم حالحكي بلكي رجولك مصاريك
لولا العيب بدي امسك الفواتير واعملهم صاروخ ورق واصوبو ع اقرب سلة زبالة
سلامات يا باشا ، الف لا باس عليك
يعني ما شاء الله انت فضحت المستشفى الا شوي ، يعني الجماعه شكلهم كانو يفطرو الصبح و بعدين بدهم يروقو بفنجان قهوه و انت قطعت لنصهم ، فالحق عليك يعني
بالله اي مستشفى اللي انت رحت عليه؟ مش من باب التشهير يعني ، بس من باب اخذ العلم
follow my blog on my new address if you may
http://dafdoo3ah-diary.blogspot.com/
تخيلت زجاجة العصير الفارغه
وصحن الفول
والصحف المبقعه بزيت الزيتون
بصراحه فنتاستك
لوووول
يلا الحمد لله ع السلامه
تعيش وتاخذ غيرها :)
د.محمد
هو يعني انا من فرط الدهشة طلع معي هالحكي..الافلام بتهيئلنا المستشفيات مكان معقم وكلو بياض ونضافة..يمكن هدول مستشفيات اوروبا والدول المتقدمة..وعشان ما اشهر زيادة فهو مستشفى موجود بجبل الحسين
شرفت البلوغ..حيالله عمي
رين
وك هسه انتبهت..صرتي واصلة وعاملة كومنت..وك بس جامليني واكتبي سلامات
سنحة كبيرة
اقصوصة
لولا المكان معجوق ومية واحد بالغرفة كنت طلعت الموبايل وصورت عشان تطلع ابلغ
اعيش واكل غيرها؟!؟..انشالله لأ
مرورك مشكور..اجعليها بعودة
له له له
سلامات سلامات
عقبال التانية
خخخخخخخخخخخخخخخخ
لا قصدي الله يعينك على الرابع ونزوله وطلوعه
زي حالاتي
:sad:
ملاحظة: خف حناني من صورة الاجر
طالعة عبيطة..متأكد انها لبني آدم مش لماموث رايح جاي؟
نمروطة
فاش من عاشك
انتي طابع رابع برضو يا حزينة..امتع اشي بالطابق الرابع لما تجيبي مونة للدار والخضرة والرز وتناك الجبنة يكونو بحدود ال40 كيلو..او لما تجيبي طقم كنب جديد
لا وك هاي رجل بني ادم عادي..بس بيعاني من ازمة تنفسية بيكون
سنحة شرق اوسطية
:k:
ألف سلامة عليك "مع انها متأخرة" :)
جلعاط على هيك مستشفى.. الله لا يمرض حد ويشوف إلي شفتو..
الله يسلمك يا رب
بس الحمدلله قولي اللي شفتو سهل وبينبلع..في الواحد بيسمع روايات اقطع من هيك بكتير