Suddenly Freed
اخيراً..وعلى حين غرة..فجأة لقيت حالي فاضي
كيف ليش وين مين بعرفش..المهم اني حاليا فاضي اشغال
السلافة انو هادا الفصل انعجقت انعجاق منقطع النظير..الفصل هادا طلع عنا نظام جديد بالجامعة
كل مادة صار الها بروجيكت .. كل بروجيكت فيهم عن مشروع تخرج
طلعولي بهالفصل 4 مشاريع من واسع علمو .. وهات عاد لحق ..ما بين هالمشاريع وقديش بدها شغل .. وما بين المواد الاخرى اللي ما فيها مشاريع بس فيها امتحانات
ومن حسن طالعي انو معظم الشباب اللي بعرفهم بالجامعة سكان الزرقا .. وانا سكان عمان .. فغالبا الاجتماعات اللي كان يتم فيها مناقشة امور المشاريع كانت تصير ببيت واحد من هالشباب اللي بالزرقا .. وبحكم اني الوحيد من عمان فانا اللي غالب الوقت كنت اسلخها مشوار للزرقا عشان نجتمع
زاد حم الوطيس ع نص الفصل لما قربت مواعيد التسليم والشاطر اللي يستلم مشروعو قبل .. وتزامنت هالفترة مع امتاحانات الميد والسكند .. مرت علي خلال هالفترة 72 ساعة ما جمعت فيهم ابو 8 ساعات نوم .. بطلت اعرف من وين بيجي الضرب .. ظهرت فيي خلال هالفصل عادات غريبة ما عهدتها في نفسي
المفروض اني بعرف حالي نومي خفيف..بس مثلا عالصويت والصياح والعويل ما بصحى..لازم يصير في تماس فيزيائي عشان اصحى
مرة نمت عند صاحبي وعرفت بعد ما صحيت انو كاين صاحبي الاخر كاين ييجي علي وانا نايم .. يرمي علي حرامات..مخدات..غطي بيبسي..كتب..دفاتر..ريموت تلفزيون..وانا ما عندي خبر
المفروض اني ما بحكي وانا نايم..ما عمرو حدا حكالي انك حكيت كذا كذا وانتا نايم..
مرة كنت نايم عند نفس الشب..بس صحيت بيحكيلي شو يا زلمة سبيس توون ماخدة عقلك..قال الاخ كاين يقلب بهالقنوات وقف عند سبيس تون كان عليها توم وجيري..ما لقاني الا بلشت اغني باللحن تاع الاغنية..انا خف عقلي بس سمعت هالحكي..
طول الفصل وانا نفسي بكم يوم هيك فش فيهم اشي مهم .. عبث .. اليوم تسليم بروجيكت الستيل..بكرة الترانسبورتيشن..بعديه ميد مختبر التربة..بعدو بيومين في سكند انشاءات..هييييييك لما بلش الفاينال
اجتني 4 امتحانات من النوع الثقيل خبط لزق ورا بعض..يوم ورا يوم حبيبي ما اجاني نوم..اليوم لسه لما خلصو
بس ترى لسه في عندي امتحان كمان اسبوع بس يعني الواحد مرتاح وممكن يعيش بشوية نقاهة
يا باااااي شو نفسي اشعبر..بس وجع راس..فكنا من الحكي الفاضي
الحلو بالموضوع اني اليوم فضيت ازبط شوية بهالخرابة..توصلت للخلطة السحرية اللي بتطلع هاي الليست اللي فيها البلوغات اللي بطلطل عليها من وقت لاخر..هسه مش عارف انو لما عملت الحركة هاي بيبين عندهم اني ضفتهم ولا لا..بدي اشوف ردة فعل نمرودة على موضوع انو صارلي بلوغ زيي زيها وصرنا جيران
شبعرت اكثر من اللازم وفوق حد الاشباع .. وبالمناسبة اللي ملهاش مناسبة..من الصبح نفسي بحبة تفاح اخضر
دعواتكم لنا بالتوفيق..ونراكم حين نراكم
ولا اشي وضعك
تحفة رسمي
طبعا ببين عندي انك ضفتني
يسعدلي اياه بلوجك..خلص امتحانات على بدري وابلش فيه
خليه مدردح..هيك طالع لونه كئيب متل سجاد او برادي ماري انطوانيت
ودمتم سالمين
la2 la2 la2 ..
hay enta 3aysh t7t 5a6 el zefteh beshwai .. :mal5oom:
gal o ana elle bafakker 7ale la7ale nifse asla5 jor3et kokayeen o a6fe .. :k:
wallah ya abu shreek hay bidha el 7amdillah 3ala el salameh .. o t2akkad jiddan jiddan enno ensha2 allah .. elle zyarah 5a9 na9 la fa5amtak bel 3o6leh ...
3ayn 5ayr .. :d
تعليق بسيط وحيد على ماذكر اعلاه\
الا و هوه
لووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول
قال انا ع اساس بخلي الكومنت شوية ما برد عليه عشان البريستيج
اتاريني ناسي انو في كومنتات هون
:ch:
نمرودة هو انا يعني بدي اكون دحدوح والبلوج مدردح بنفس الان...عاطلة بحقي
ابو الايك خلصت العطلة وما شفنا الصلعة البهية غير مرة صغيرة..ما شبعنا منها
ام عمر..امو لعمر..مش حلوة الشماتة
:c2:
انا لا اشمت,, انا اضحك فقط
:ch: