Aaaah...Blogging


اييه الله يرحم
قصدي السلام عليكم....كالعادة عمري ما عرفت ابلّش
اتس بِن من زماااان عن المدونة..من زمان عن متابعة مدونات الشباب الطيبة..زمان عن الحكي اللي بطعمة واللي بدون طعمة

كيف هيك مرة وحدة انقطع اهتمامي بالتدوين؟؟..على ما ظنيت هون بتنطبق قاعدة انو الواحد بيضل نفسو بالشغلة بس لما يحصل عليها بيفقد اهتمامو فيها...من زمان وانا نفسي يصير عندي مدونة واحكي وأعبّر ويصيرلي جيران "سايبر" ونصبّح ع بعض ومن هالحكي..بعد ما صار في منو هالحكي ما بعرف شو صار..يمكن صرت احس انو لازم أصعّد من طبيعة الخطاب والتعبير لأنو في ناس بتقرأ هالحكي..ع أساس اللي بحكيه هون تاني يوم بسمعو بالجرايد.....على أي حال..ما في داعي للدراما واللعب على العواطف

أشتقت للفضفضة..فعلياً من يوم ما رجعت عالامارات  انقطعت كثير من مصادري الفضفوضية
أيام الاردن كان في تقرير ميداني مفصل بينسرد يومياً لشخص من هالاشخاص...بطلنا نشوف هالأشخاص..الله يسهل عالجميع..شكلو عشان هيك رجعت للبلوغ زحف...حاس اللابتوب كمان شوي رح يحكيلي "عشان تعرف شو قيمتك !"

الحلو بالموضوع لقيت كومنتات ع بوستات قديمة من ناس بعرفها وناس بنتشرف بمعرفتها انشالله...استرجعت هداك الشعور لما يجيك كومنت ع غفلة!...غالباً جميع المدونين بيعرفو شو هو الشعور اللي بحكي عنو..

يا سيدي !
عالعموم انا من زمان كنت حاب احكي واسولف عن موضوع سوريا وعن الفظائع اللي بتصير بسوريا يومياً على مرئى ومسمع من كل المسلمين..بس بضل خجلان من نفسي....شو يعني لما نكتب ونعبر ونقول كلمات وخطابات مزينة ومحركة للحماس؟؟..شو استفاد اللي مش عارف يروح عالمخبز خوف واحد من هالقناصة يقنصو؟؟..شو أثرت على الناس اللي قاعدين ببيوتها خايفين وبيستنو بالقذيفة؟؟..شو عملت للناس اللي تشردت وتغيرت حياتهم بين يوم وليلة....ولا اشي

الحمد لله انو في عندنا الدعاء...ولذلك بتمنى من كل شخص ممكن يقرأ هالخربوشة يخصص دقائق من يومو للدعاء لأهلنا في سوريا الله يلطف فيهم..لازم ندعيلهم في كل صلاة وكل سجدة الله ينصرهم ويفك أسرهم ويصبرهم على مبتلاهم


وفي النهاية..اللي عمرها ما زبطت برضو..انشالله برجع الواحد شوية شوية لتفريغ الشحنات بالكتابة والتدوين وبيرجع التواصل من اول وجديد

انتهى

9 Response to Aaaah...Blogging

  1. Em Ommar says:

    حندلله ع الحلامه فضفوض باشا

    بإنتظار فضفضاتك المفضفضه في عالمنا الفضوفوض

  2. Khubaizeh says:

    sayr drama queen ya msha77ar wana mish 3aref ..
    ya zam o rabbena enne biddi amsa3 ragbatak .. wain me5tafe?! :k:

    aslan san7ak ..

    nazel el ordon eshe fel saif?

  3. نورت المدونة
    الحمد لله على السلامة

    والله زمان عنك يا كبير , زمان كثير :)

    اللي بصير بسوريا وبالعرب مخلي الكل يسكت مش بس انت لحالك

    بفرجها الله :)

  4. لااااااااااااااااااااااا
    دحدوووووووووووووووووووووووووووووووووووووووووووح مممدووووووح سمدوووووووووووووح الله يقطع شرك كطعاً مبرحاً حتى يستغيث
    هيك تتركني يا زلمه ولا حس ولا خبر
    المهم أهلاً وسهلاً ويا ريت تقبلوني صديقة إللكم في البرنامج ويا ريت توطي صوت الرادو شوي وهيك


    وسلملي على كل يلي في كارفور
    وسلم عالااااااااي سافروووت

    وبالنسبة للوضع في سوريا أأسف لأحكيلك إني غسلت إيدي منو لأنو الحكي كتر إشي بحكي أجندات خارجية إشي بحكيلك بشار مظلوم إشي بحكيلك تظليل إعلامي لدرجة إنو الواحد كل يلي قادر يحكي اللهم فرج كرب المظلومين وأرحم موتاهم وأظهر الحق يا رب

  5. 6abaZa says:

    الله يسلم عمرك ام عمر
    لا فضّ فوك خيتو


    ابو الايك
    وك اصلاً مش رح تقدر تعمص عينيك
    والله يا باشا للآن مش مبين معي
    خليها عالتساهيل يا كبير


    ابو زينة
    والله منورة بوجودك حجي
    الله يجمعنا قريباً ع خير يا رب
    تفرج انشالله..ألا إن نصر الله قريب


    بوطاطس
    سننننننننننننننحك ع هيك كومنت
    قد ما هو فايت بالحيط الايميل شك انو سبام..وك لتكوني بتعملي دعايات وانا مش متبع!
    هي تقلبات الدنيا وحركاتها القرعة..الواحد صار ينسى حالو

    احسن اشي عملتيه حجة..لما تكون الرؤية عندك ضبابية..ادعي الله ينتصر للمظلوم..والله اعلم منا بخفايا الأمور
    نورتي نورية

  6. الله كريم عمي

    وعالهامش
    الله يسنحك على بوست الاحلام اللي قبل هاذ

    قرأته 4000 مرة , وكل مرة بتوفى ضحك

  7. انا أصلا الوحيد بين جماعتك ما بتحوووط ديعايات عشان هيك متقصديني
    مصتنصديني
    استكراض

    بس مش تيجي وتغيب كالعادة
    ترى صايرة مودا بينكم

  8. 6abaZa says:

    أبو زينة
    ع راسي يا حج
    أصلاً رضاؤكم هو هدفنا..اذا كانت الخطوط مشغولة اتصل عقب باشر
    :دندرة:


    بطاطس
    لا مش استنصاد..هاي مؤامرة كونية
    وانشالله ما بمشي عالمودا
    :tim gunn:

  9. Finalway says:

    والله زمان عنك
    يا رجل بجد ما تقطعنا الله لا يقطع حد ...

    ...

    بالنسبة لسوريا يعني شو طالع بايدو الواحد غير يدعي الله يخلصهم من كربهم ...