BrainStorming 4
صارلي فترة شهر وشوية ما كتبت اشي
مش معناها انو فش اشي ببالي..بس من فترة صرت احس حالي فاقد الاهتمام بكتير شغلات..اولها اشي اسمو انترنت
مش عارف بس قرفت الطلعة عغرفة السطوح..قرفت الشغلات اللي بالغرفة..قرفت التخت اللي بنام عليه..قرفت الكراسي..قرفت الغبرة..ومع موجة الغبرة..او بالاحرى التراب اللي مرت من كم يوم..كملت معي وجد طلعت الدار كلها من نفسي
بلش الدوام...بمعنى انو بلش الدوام..يعني كل يوم دوام وصحيان بدري ع اشي انتا بتكرهو وبتحقد عليه ولو عليك بتحرقو كلو مع استثنائات بسيطة لبعض الاشخاص والاماكن العزيزة..كل يوم بتروح ع محل بيخليك تشعر بالذنب مع كل خطوة بتمشيها فيه..ويا ريت هالمكان بينراح او بيتروح منو بسهولة..بدك حلم تدخلو وواسطة تطلع منو..عدد الطلاب في ازدياد غير منطقي..وعدد وسائل المواصلات في انخفاض مستمر..تقريبا اول يوم دوام خلصت عالـ3 ونص...وصلت البيت عالـ7 ونص !!..ما رحت بالهفترة ولا مشوار ولا ميلت ع حدا ولا قعدت بمطعم ولا قهوة...تقريبا ساعتين ونص وانا واقف بستنى بس ع الله ييجي باص.....بس اذا هيك مش مشكلة..المشكلة انو طول فترة هالوقفة بتكون اضطرارياَ بتسمع كلام الشباب التافه..الشباب اللي فش عندو اي تعريف لكلمة اخلاق او حيا او ترباية..عليم الله وصلت البيت بدي ادفن حالي
من ناحية اخرى عمالي بحس اني وصلت لمرحلة انا بحاجة فيها لاجازة..مع اني مليش اسبوعين طالع من اجازة..بس الاحداث اللي صارت معي والاجواء اللي عشتها خلال الاجازة الماضية كانت كفيلة باني اعيش تقريبا 4 اشهر من الفراغ اللي مش ممكن الواحد يستغلو باشي..ومن كمان ناحية زهقت اجواء البلد..وفيي حنين لايام زمان وصحاب زمان وعيشة زمان
عمالي بكئب حالي بزيادة وانا بكتب هالحكي..لانو من طول عمري بسمع صوت من جوا بيقوللي..طب بس اسكت واهدا وبلا كترة حكي..انتا احسن من غيرك.....على عيني وراسي..الحمدلله على كل شي..اللهم لا اعتراض على حكمك..انا بس بفضفض
بالمناسبة الشيء الوحيد اللي ما قرفتو بالانترنت هو اخبار الناس وبلوغات الناس الطيبة
عندي احساس اني رح احذف هالبوست بعد فترة
Peace Out
و الله يا ابو الشباب اعتقد انو الشعور مشترك هالفترة هاي ، يمكن مع الشوب و الطفر و القرف و الملل الواحد ببلش يشعر هيك ، يعني مرت علي فترات تماما زي ما انت وصفتها ، بس بيني و بينك بضل احكي فش اشي مستاهل الواحد ينسم بدنو و يعيش منكد عشانو ، و الاهم انو فش حدا بسوا انو الواحد يسم بدنو عشانو ، عيش زي ما بدك و حاول تسترخي ، حتى لو كنت واقف بتستنى قرف المباصات و الناس اللي ريحتها طالعه ، بس برضو حاول تستمتع ، اي هو الواحد شو ماخذ من هالدنيا اذا بدو يضلو مسموم بدنو
اذا لم تستطع ان تقاوم فاسترخي وحاول ان تسمتع
sho had iza ana ekta2abet 3annak!0_O
الله يكون ف عونك يارب
وكلمه " إحنا أحسن من غيرنا" دائممممممن ع لساني بواسي فيها حالي واللي حوليّ
بالنسبه للقرق ,, غير ديكور الغرفه أو غيّــر من نمط معيشتك وستايلك,, بتغير نفسيتك شوي
Dr.Mohammed
عجبتني اخر عبارة..بتنفع بمواقف كتير
هو فعلا شكلو من الجو..بس الحمدلله هي الجو بلش يطرى شوية
شكرا عالمرور..اهلا وسهلا
Rain
ka2abeh is infectious!
Um Omar
والله صارلي فترة مخطط اجيب كم سطل دهان واقلبها مهرجان الالوان
:smile ultimate she3er:
مشكور على شعورك معي خيتو
جد فضفضة من القلب مباشرة
تفكرش انك بعيد عن الواقع , مرات انا بحتاج اجازة يوم بعد ما ارجع من اجازة طويلة
بس حبيت البوست جد
Ultimate Atlas
one sentence i have for you:
harry up n graduate,amsterdam is waitin for ya;)all the trance n house you love....we gonna rock that world!!u in?
peace out bro
.طب بس اسكت واهدا وبلا كترة حكي..انتا احسن من غيرك
:mob:
in case u wanna delete this post.. i saved it for u :ch:
Abu Zaina
Ultimate 7abeebona dude
Bro
inshalla dude bas te5las hai el sane 3la 5er
Ultimate I'm in
bas ma teb2ash tshoof asrari tani marra bro
nmroodeh
سنحة شاقولية مباغتة