Ramadan
مساء الخير
اولاً كل عام وانتم بخير وانشالله بيكون هالشهر فاتحة خير عالجميع ويا رب يعيننا عالصلاة والصيام والطاعات ويبعدنا عن المسلسلات والتفاهات اللي رح تتعبى فيها شاشات التلفزيونات
صديقي العزيز ابو الإيك طلب مني اكتب شو بيعنيلي شهر رمضان..وفيما يلي..شو بيعنيلي شهر رمضان
اول اشي بيخطر ع بالي هي الجمعات..بفتح الجيم
بحب برمضان جو اجتماع الاخوة..الاقارب..جو العيلة بيكون احلى..واجتماعهم قبل الفطور وهم بيستنو صوت الاذان شعور جميل يبعث على الانتماء
ثانيا في عندك صلاة التراويح...اللي فعلا الواحد ما بيحس بطعم الشهر بدونها
كل شيء في صلاة التراويح بحبو..من توقيتها لطقوسها للسكينة البادية على الناس وهم بيصلوها...كل شي فيها رائع غير اصوات الولاد الصغار اللي مش لاقيين حدا يلمهم
ثالثاً..وشغلة مهمة جداً بحياتي..الا وهي العصائر
انا برمضان وبغيرو بعشق اشي اسمو عصير..اي اشي بطعم اي اشي زاكي بحب اشربو
بعيداً عن رمضان..بتدايق اذا فتحت الثلاجة وما لقيت فيها ولو عصير حل من ابو ال30 قرش..ولو صار وما لقيت قنينة عصير بجيب قنينة مي باردة وبضل ادلبع فيها لما تخلص
الشاهد بالموضوع انو برمضان بيتحقق اكتفائي الذاتي من العصير..من قمر الدين للكركديه للفيمتو للسوس والخروب والتمر الهندي الحمدلله بيخلص الشهر وانا مستهلك ما يقارب المترين مكعبين من العصير......غصبن عني بدي احب رمضان
غير هيك..بحب الدرس الديني القصير نوعا ما اللي بيحطوه قبل اذان الفجر..وبحب اذان الفجر..وبحب اجواء السحور وصوت المسحراتي
بحب اطلع عالسطوح بالليل واسرح بعمان وهي نايمة وغرقانة بالهدوء واضواء الزينة
كل الاجواء اللي بيجيبها هالشهر رائعة
وكعادتي..من ايام المدرسة..بعرفش اعمل خاتمة بنهاية الموضوع..بس انشالله اكون عملت الواجب المطلوب مني بشكل منيح
وكتتمة للواجب..بعمل تاغ لأم عمر...نمروطة اللي انشالله تلاقي وقت..ومس بطاطس..اللي برضو انشالله تقدر تحل الواجب
كل عام وانتم بخير
wak t7sheesh enta!
وإنت بخير والصحه والسلامه
حكتلي عصير حلل ابو ال30
معلوماتك بايته,, هلأ سكويز صار ب 15 قرش بس
عنا الأسعار غير
ميشن أكومبليش :D
معي كيلو شبس
تيجي تاكل معي؟؟د
rain
بعض من الحشيش اللي عندكم
امو لعمر
على سيرة السكويز
جيبي بكيت سكويز توت..وكم حبي موز اللي يعبو ابريق الخلاط..ومعلقة ما ورد ولا ما زهر ناسي..كم كاسة مية..لخيهم كلهم مع بعض بيطلع عندك عصير من الااااخر...بطعم الفلاورة...اسمع نصائح سمدوح
بطاطس
سنحك شو مدلوقة عالشبس..اذا الك ع لون الشطشطة والشبس اللي بيحرق في شبس تشيتوس شغل يولع جلدة الراس اشي فاخر
أنا كمان متلك بخب العصائر كتير :)
kbeeeeeeeeeer
thnx 3ala errad abu shreek .. :give:
o looool 3ala el 3a9eer ..
ya zam ma fe ba3d el 3a9eer fel dinya .. :dream:
keef rijlak 9arat?? :sofera:
Rula
يعني انتي زيي بتاخدي مجدك برمضان..صحة وعافية
ابو الايك
وك انا اللي بردّ
بالنسبة للمذكورة..الحمدلله فش حكة وقربت افك البطيخ عنها
نيّال العصير فيك
(؛
حبيبنا المخطار
ابقى ميّلك يوم خنِّكسبك